Aksident në Graçanicë, vdes një person

Policia e Kosovës ka njoftuar se një person ka vdekur si pasojë e një aksidenti që ka ndodhur të hënën më 19.08.2024 në fshatin Uglarë në Graçanicë.

Sipas raportit 24-orësh policor rasti ka ndodhur dje, më 19.08.2024 në 11:38h.

Policia tha se dy vetura me targa vendore me drejtues burra janë përfshirë në aksident trafiku në mes vete.

Tutje u njoftua se viktima e këtij rasti është njëri nga drejtuesit e veturave.

Po ashtu u tha vdekja e viktimës është konstatuar nga ekipi mjekësor dhe me vendim të prokurorit, trupi i viktimës është dërguar në Institutin e Mjekësisë Ligjore për autopsi.