Aksident në Gjilan, vdes një këmbësor

Një këmbësor ka vdekur si pasojë e një aksidenti që ka ndodhur sot, më 29.08.2024, në 15:10h në dalje të fshatit Velekincë në Gjilan.

Lajmi për KALLXO.com është konfirmuar nga zëdhënsi i Policisë së Kosovës për rajonin e Gjilanit, Ismet Hashani.

Ai ka thënë se dyshohet se viktima 36-vjeçar duke trupuar rrugën është goditur nga një veturë me tabela vendore.

“Në vendin e ngjarjes kanë dal njësiti i Trafikut Rajonal dhe ndihma e shpejtë. Mjeku kujdestar ka njoftuar se edhe përkundër ndihmës së ofruar në Emergjencën rajonale në Gjilanë viktima ka vdekur si pasojë e plagëve të pësuara në aksident” – tha Hashani.

Zëdhënësi shtoi se për rastin është njoftuar prokurori i shtetit, i cili ka urdhëruar që drejtuesi i veturës të ndalet për 48 orë.