Aksident në Gjakovë, vdes një 49-vjeçar

Një burrë i moshës 49-vjeçare ka vdekur në një aksident trafiku që ndodhi mëngjesin e sotëm në fshatin Babaj Bokës në Gjakovë.

Rastin për KALLXO.com e ka konfirmuar zëdhënësi i Policisë për rajonin e Gjakovës, Sheremet Elezaj.

“Sot rreth orës 06:00 policia është njoftuar për aksident trafiku në fshatin Babaj Bokës (rruga Gjakovë-Ponoshec). Njësia Rajonale e Komunikacionit Rrugor dhe ambulanca ka dalë në vendngjarje ku ekipi mjekësor ka konstatuar vdekjen e një personi mashkull/kosovar lindur në vitin 1973”, ka thënë Elezaj.

Sipas tij, bazuar në hetimet e para dyshohet se viktima, duke mos përshtatur shpejtësinë me kushtet e rrugës me automjetin e tij është vetaksidentuar.

Rasti procedohet si “vetaksident trafiku me fatalitet”.