Aksident në Fushë Kosovë, katër të lënduar
03.12.2022 - 19:58
Katër persona kanë kërkuar ndihmë mjekësore si pasojë e një aksidenti trafiku që ka ndodhur sot në Bresje në Fushë Kosovë.
Aksidenti ka ndodhur mes tri automjeteve në rrugën nacionale Prishtinë-Pejë, rreth orës 16:45.
Lajmin për KALLXO.com e ka konfirmuar zëdhënësi i Policisë së Kosovës, Bajram Krasniqi.
“Në ora 16:45, policia është njoftuar për një aksident trafiku të ndodhur në rrugën nacionale Prishtinë-Pejë (Bresje F.Kosovë). Në aksident janë përfshirë tri automjete. Si pasojë e aksidentit katër persona kanë kërkuar ndihmë mjekësore. Njësitet policore janë marrë me procedurat në vend-ngjarje”- ka thënë ai për KALLXO.com.