Aksident mes tri veturave në Drenas, tre persona të lënduar

Tre persona kanë pësuar lëndime trupore si pasojë e një aksidenti që ka ndodhur në fshatin Zabel të Drenasit, mbrëmjen sot më 26.10.2024.

Lajmin e ka konfirmuar zëdhënësja e Policisë për Rajonin e Prishtinës, Flora Ahmeti.

Ahmeti ka thënë se në këtë aksident kanë qenë të përfshira tri automjete, ndërkaq me rastin po merret njësia e trafikut rrugor.

“Si pasojë e aksidentit lëndime  trupore kanë pësuar 3 persona. Me rastin po merret njësiti i trafikut rrugor” – tha Ahmeti për KALLXO.com