Aksident mes tri veturave dhe autobusit në rrugën Sllatinë-Fushë Kosovë
05.7.2021 - 10:32
Një aksident me tri makina të përfshira ka ndodhur në rrugën Sllatinë-Fushë Kosovë, më saktësisht në fshatin Vragoli.
Një qytetar ka dërguar fotografi në KALLXO.com ku shihen se tre vetura dhe një autobus janë aksidentuar mes vete.
Agron Borovci, zëdhënësi i Policisë për rajonin e Prishtinës ka thënë se aksidenti ka ndodhur rreth orës 9:20.
Sipas tij, nuk është raportuar për persona të lënduar.
Policia e trafikut ka dalë në vendin e ngjarjes dhe ka nisur punën për hetimin e shkaqeve të këtij aksidenti.