Aksident mes autobusit dhe kamionit në rrugën Carralevë-Duhël, tre të lënduar

Së paku tre persona kanë pësuar lëndime si pasojë e një aksidenti të trafikut mes një autobusi dhe një kamioni në rrugën Carralevë-Duhël, mëngjesin e së martës, më 10.09.2024 rreth orës 07:11.

Kështu ka konfrmuar për KALLXO.com, zëdhënësi i Policisë për Rajonin e Prizrenit, Shaqir Bytyqi. 

“Si pasojë e aksidentit së paku tre persona kanë pësuar lëndime të lehta trupore dhe janë transportuar për në emergjencë në QKMF në Suharekë. Policia ka dalë vendngjarje dhe është duke u marrë me rastin”- ka thënë Bytyqi

Sipas Bytyqit, pasi që autobusi është rrotulluar në krah, është dashur të intervenojnë edhe zjarrëfikësit për t’i nxjerrë pasagjerët.