Aksident me fatalitet në rrugën Mitrovicë - Prishtinë
18.9.2024 - 13:20
Një aksident trafiku me fatalitet ka ndodhur në rrugën nacionale Mitrovicë – Prishtinë sot, më 18.09.2024 në 11:55h.
Lajmi për KALLXO.com është konfirmuar nga zëdhënësi i Policisë së Kosovës për rajonin e Mitrovicës, Avni Zahiti.
Zahiti tha se aksidenti në mes një veture dhe kamioni ka ndodhur në fshatin Dobërllukë.
Tutje ai shtoi si pasojë e lëndimeve të pësuara në aksident ka vdekur shoferi i veturës, i moshës rreth 60-vjeçar.
Zëdhënësi njoftoi se njësitet përkatëse policore kanë dalë në vendngjarje dhe po zhvillojnë hetimet për aksidentin.
