Aksident me fatalitet në Komoran

Një aksident trafiku me fatalitet ka ndodhur në fshatin Komoran më 01.09.2024.

Zëdhënësja e Policisë Rajonale të Prishtinës, Flora Ahmeti ka konfirmuar për KALLXO.com se në aksident u përfshinë një motoçikletë dhe dy automjete në lëvizje.

Vdekja e motoçiklistit është konstatuar nga ekipi mjekësor, në QKUK.

Rasti ka ndodhur rreth orës 13:00 në rrugën ‘Nazmi Gashi’.

“Aktualisht policia ka nisë një hetim për zbardhjen e rrethanave që kanë quar deri te ky aksident trafiku”- deklaroi Ahmeti.

(Shënim: Lajmi është edituar tek pjesa ‘Vdekja është konstatuar në vendin e ngjarjes’ në ‘vdekja është konstatuar në QKUK’ – koha e editimit – 16:42 – 01.09.2024)