Ajër me cilësi të pranueshme në Kosovë

Në shumicën e qyteteve në Kosovë cilësia e ajrit sot është e pranueshme.

Sipas Institutit Hidrometeorologjik të Kosovës, i cili bën matje ditore të nivelit të ndotjes së ajrit në Kosovë përmes 12 stacioneve, ajër të mirë sot ka vetëm Brezovica dhe Dardhishta.

Ajër me cilësi të pranueshme ka në Drenas, Gjilan, Han të Elezit, Mitrovicë, Obiliq, Palaj, Pejë, Prishtinë dhe Prizren.

Ajër me cilësi të dobët ka treguar matësi mobil, i cili sot është vendosur në afërsi të Zonës Industriale në Prishtinë.

Instituti Hidrometeorologjik i Kosovës (IHMK) bën monitorimin e cilësisë së ajrit në tërë territorin e Republikës së Kosovës, përmes Rrjetit Shtetëror për Monitorimin e Cilësisë së Ajrit.

Ky rrjet është i përbërë nga 12 stacione automatike fikse dhe një stacion automatik mobil.

Shpërndarja e stacioneve dhe përzgjedhja e lokacioneve monitoruese është bërë konform kritereve të Direktivës 2008/50/EU për ajër të pastër në Evropë dhe ligjeve vendore.

Bazuar në kriteret e lartpërmendura stacionet janë shpërndarë në 9 (nëntë) komuna të Republikës së Kosovës: Prishtinë, Obiliq, Drenas, Mitrovicë, Pejë, Prizren, Shtërpcë (Brezovicë), Hani i Elezit dhe Gjilan.

Duke klikuar në linkun e më poshtëm ju mund të merrni informata rreth rëndësisë së cilësisë së ajrit – LINK 

Projekti “Përdorimi i mediave për të rritur vetëdijen lidhur me shkaktarët kryesorë të ndotjes së ajrit në Kosovë” është pjesë e “Dig Data Challenge” e mbështetur nga Millennium Foundation Kosovo (MFK) dhe Millennium Challenge Corporation (MCC), si pjesë e Dig Data Challenge për të dhënat mbi cilësinë e ajrit. Projekti implementohet nga Interneës Kosova.