Prishtina, Foto: KALLXO.com

Ajër me cilësi të mirë në shumicën e qyteteve të Kosovës

Shumica e qyteteve të Kosovës kanë regjistruar cilësi të mirë të ajrit gjatë ditës së sotme.

Sipas të dhënave në matësit e Institutit Hidrometeorologjik të Kosovës(IHMK), cilësi e mirë e ajrit u regjistrua në Prizren, matësi tek IHMK në Prishtinë, Obiliq, Mitrovicë, Han i Elezit, fshatin Palaj, Drenas dhe Brezovicë.

Ndërsa, ajër me cilësi të pranueshme u regjistrua në matësin te Rilindja në Prishtinë, Pejë, Gjilan dhe fshatin Dardhishtë.

Instituti Hidrometeorologjik i Kosovës (IHMK) bën monitorimin e cilësisë së ajrit në tërë territorin e Republikës së Kosovës, përmes Rrjetit Shtetëror për Monitorimin e Cilësisë së Ajrit.

Ky rrjet është i përbërë nga 12 stacione automatike fikse dhe një stacion automatik mobil.

Shpërndarja e stacioneve dhe përzgjedhja e lokacioneve monitoruese është bërë konform kritereve të Direktivës 2008/50/EU për ajër të pastër në Evropë dhe ligjeve vendore. Bazuar në kriteret e lartpërmendura stacionet janë shpërndarë në 9 (nëntë) komuna të Republikës së Kosovës: Prishtinë, Obiliq, Drenas, Mitrovicë, Pejë, Prizren, Shtërpcë (Brezovicë), Hani i Elezit dhe Gjilan.

Materiale me rëndësi për cilësinë e ajrit mund t’i lexoni duke klikuar në LINK.

Projekti “Përdorimi i mediave për të rritur vetëdijen lidhur me shkaktarët kryesorë të ndotjes së ajrit në Kosovë” është pjesë e “Dig Data Challenge” e mbështetur nga Millennium Foundation Kosovo (MFK) dhe Millennium Challenge Corporation (MCC), si pjesë e Dig Data Challenge për të dhënat mbi cilësinë e ajrit. Projekti implementohet nga Internews Kosova.