Ajër me cilësi e mirë në shumicën e qyteteve

Cilësia e ajrit, sipas matjeve të Institutit Hidrometeorologjik të Kosovës (IHMK), gjatë ditës së sotme në shumicën e qyteteve të Kosovës është e mirë. Sipas të dhënave nga matësit e Institutit Hidrometeorologjik të Kosovës (IHMK), ajër me cilësi të pranueshme u regjistrua në Brezovicë, Dardhishtë, Drenas, Hani i Elezit, Mitrovicë, Obiliq, Palaj dhe tek një matës i vendosur te IHMK në Prishtinë.Ndërsa cilësia mesatare e ajrit është regjistruar në Gjilan, Pejë dhe Prizren.

Në zonën industriale Prishtinë-Fushë Kosovës është cilësia e dobët e ajrit.

Instituti Hidrometeorologjik i Kosovës (IHMK) bën monitorimin e cilësisë së ajrit në tërë territorin e Republikës së Kosovës, përmes Rrjetit Shtetëror për Monitorimin e Cilësisë së Ajrit.

Ky rrjet është i përbërë nga 12 stacione automatike fikse dhe një stacion automatik mobil.

Shpërndarja e stacioneve dhe përzgjedhja e lokacioneve monitoruese është bërë konform kritereve të Direktivës 2008/50/EU për ajër të pastër në Evropë dhe ligjeve vendore..

Bazuar në kriteret e lartpërmendura stacionet janë shpërndarë në 9 (nëntë) komuna të Republikës së Kosovës: Prishtinë, Obiliq, Drenas, Mitrovicë, Pejë, Prizren, Shtërpcë (Brezovicë), Hani i Elezit dhe Gjilan.

Materiale me rëndësi për cilësinë e ajrit mund t’i lexoni duke klikuar në LINK.

Projekti “Përdorimi i mediave për të rritur vetëdijen lidhur me shkaktarët kryesorë të ndotjes së ajrit në Kosovë” është pjesë e “Dig Data Challenge” e mbështetur nga Millennium Foundation Kosovo (MFK) dhe Millennium Challenge Corporation (MCC), si pjesë e Dig Data Challenge për të dhënat mbi cilësinë e ajrit. Projekti implementohet nga Internews Kosova.