AGK dënon kërcënimin ndaj gazetarëve të Radio Gorazhdecit
Asociacioni i Gazetarëve të Kosovës – AGK ka reaguar pas kërcënimit ndaj gazetarëve të Radio Gorazhdecit.
Sipas komunikatës së AGK-së, shefi i deskut të Radio Gorazhdecit, Milic Petrovic, është kërcënuar verbalisht sot në zyrat e kësaj medie nga ana e Momir Bulatovic, djali i një zyrtareje civile në stacionin lokal policor në Pejë.
“Sipas njoftimit shkak për këtë kërcënim është bërë një shkrim i Radios për një peticion sa i përket ankesave për sjelljen e një polici. “Shtrëngoni dhëmbët nëse nuk e hiqni tekstin kundërthënës”, i ka thënë Bulatoviq gazetarit. Policia e ka shoqëruar kërcënuesin në stacion, dhe gjithashtu ka marrë deklaratën e gazetarit”, thuhet po ashtu në komunikatën e AGK-së.
AGK-ja ka dënuar këtë kërcënim duke ftuar organet e rendit që ta trajtojnë me prioritet për shkak se ndikon direkt në sigurinë e gazetarëve.
