Aeroporti i Prishtinës, në valixhen e udhëtarit gjenden 50 fishekë

Në Aeroportin Ndërkombëtar të Prishtinës “Adem Jashari” është raportuar se në valixhen e një shtetasi kosovar janë gjetur 50 fishekë.

Të dyshuarit i është sekuestruar municioni dhe, me vendim të Prokurorit, burri i dyshuar është liruar në procedurë të rregullt – thekson Policia e Kosovës.

“Është raportuar se në valixhen e të dyshuarit mashkull kosovar në arritje oficerët e doganës kanë gjetur 50 fishekë. Nga i dyshuari është sekuestruar municioni dhe, me vendim të Prokurorit, i dyshuari është liruar në procedurë të rregullt.” – thuhet në Raportin e Policisë.

Rasti është raportuar rreth orës 11:50 më 05.01.2025, ndërsa Policia rastin e ka klasifikuar si “armëmbajtje pa leje”.