Abdixhiku: PSHDK pjesë e listës zgjedhore me LDK-në

Kryetari i LDK-së, Lumir Abbixhiku, ka bërë të ditur se Partia Shqiptare Demokristiane e Kosovës (PSHDK), do të jetë pjesë e listës zgjedhore me LDK-në.

Përmes një postimi në rrjetin social Facebook, Abdixhiku ka thënë se sot me 03.11.2024 ka marrë pjesë në Kuvendin zgjedhor të PSHDK-së, që është mbajtur në Gjakovë.

Ai tha se ka ritheksuar bashkëpunimin e ngushtë të LDK-së me PSHDK-në, në tre dekada e gjysmë.

“Në vizionet e Presidentit Rugova e bashkëpunëtorit të tij të ngushtë Akademik Mark Krasniqit, gjejmë dhe udhërrëfimin tonë të ardhshëm; të një Kosove të pavarur e sovrane, të anëtarësuar në NATO e Bashkim Evropian e me miqësi të përhershme me Shtetet e Bashkuara të Amerikës. PSHDK, në zgjedhjet e 9 shkurtit, do të jetë pjesë e listës së LDK-së, duke i dhënë të djathtës sonë gjithë mbështetjen e nevojshme” – ka shkruar Abdixhiku.