Abdixhiku e quan papërgjegjësi grumbullimin e njerëzve te salla “1 Tetori”
Kryetari i Lidhjes Demokratike të Kosovës e ka quajtur papërgjegjësi grumbullimin e njerëzve të Qendra e Imunizimit te salla “1 Tetori”.
“Papërgjegjësi! Ky s’është vaksinim. Është akt i dërgimit të t’moshuarve në përballje për jetën. Një Qeveri e tërë në gjumë!”, ka shkruar Abdixhiku.
Mëngjesin e sotëm mediat kanë raportuar për grumbullimin e njerëzve para kësaj qendre.
Ministria e Shëndetësisë ka dhënë arsyetim për grumbujt e njerëzve para qendrës së imunizimit “1 Tetori”.
Sipas Ministrisë së Shëndetësisë, grumbullimi është shkaktuar për arsye se kanë ardhur qytetarë edhe nga komunat e tjera.
MSh njofton po ashtu se qytetarët e komunave të tjera duhet t’u drejtohen qendrave të vaksinimit në komunat e tyre, me qëllim që të marrin informatat e duhura dhe të vaksinohen.
Gjithashtu, për këtë grumbullimit ka reaguar edhe Enver Hoxhaj nga Partia Demokratike e Kosovës.
Ministria e Shëndetësisë arsyetohet për grumbullimin e qytetarëve te salla “1 Tetori”