Foto: Kallxo.com
685 kandidatë synojnë karrigen e deputetit
09.9.2019 - 16:14
Komisioni Qendror i Zgjedhjeve ka certifikuar 21 subjekte politike në mbledhjen e radhës që mbajti sot.
“Komisioni Qendror i Zgjedhjeve mori vendim për Certifikimin e 21 subjekteve politike me gjithsejtë 685 kandidatë për deputetë”, ka thënë Valmir Elezi për KALLXO.com.
Ai ka thënë se po vazhdon regjistrimi i aplikimeve për votuesit jashtë vendit.
“Deri më sot, paradite, gjithsejtë janë futur në sistemin e të dhënave 15 mijë aplikacione për regjistrim, të cilat i kemi pranuar”, ka thënë Elezi.
Zgjedhjet e jashtëzakonshme do të mbahen me 6 tetor 2019.