63-vjeçarit nga Skenderaj ia lëshojnë rrymën pas raportimit të KALLXO.com
12.8.2021 - 23:25
Disa ditë pas raportimit të KALLXO.com energjia elektrike iu rikthye 63-vjeçarit nga fshati Prekaz i Epërm në Skenderaj.
Burime të KALLXO.com kanë bërë të ditur se energjia elektrike iu lëshua sot, mirëpo detaje të tjera nuk dihen.
Imer Idrizi, i cili jeton i vetëm në shtëpinë e tij, kishte rrëfyer të shtunën se po bëhen afër një javë që ka mbetur pa energji elektrike.
Idrizi kishte thënë se nuk e di nëse mospagesa e rregullt ka qenë shkak i ndërprerjes.
KALLXO.com është duke pritur përgjigje nga Komuna e Skenderajt që nga e shtuna, 7 gusht.
Gjithashtu deri më tash ende asnjë përgjigje zyrtare nuk ka kthyer as KEDS-i.
Historia e 63 vjeçarit nga Prekazi i Epërm, në vetmi e pa drita