51 aksidente, 14 të arrestuar e qindra tiketa të shqiptuara në 24 orët e fundit

Policia e Kosovës ka njoftuar se përgjate 24 orëve të fundit ka regjistruar 51 aksidente ndërsa ka arrestuar 14 persona nën dyshimin se kanë kryer vepra penale.

Në raportin ditor të PK-së, thuhet se nga aksidentet 20 janë regjistruar me të lënduar e 31 me dëme materiale.

Janë shqiptuar 2 mijë e 457 tiketa trafiku pë rata që kanë shkelur rregullat në komunikacion si dhe kanë arrestuar disa persona 9 nga ta janë dërguar në mbajtje.

Në raportet ditore vazhdimisht tregohen statistika në lidhje me veprat penale që kryhen dhe personat që arrestohen.

Nga fillimi i kësaj jave pra 09.09.2024 deri më 14.09.2024 janë regjistruar 288 aksidente disa prej tyre me të lënduar e të tjera me dëme materiale.