COVID-19
4 të vdekur nga COVID-19 në Shqipëri
12.7.2020 - 11:55
Katër qytetarë të Shqipërisë kanë vdekur në 24 orët e fundit nga COVID-19.
Dy prej viktimave janë 57-vjeçare nga Shkodra dhe Dibra, një 75-vjeçar nga Durrësi dhe një paciente 81-vjeçare nga Tirana.
Kështu bëri të ditur në një konferencë për media dr. Marjeta Dervishi nga Instituti i Shëndetit Publik.
Ajo bëri të ditur për shtim të numrit të të infektuarve të shtrirë në spitale.
Në Spitalin Infektiv janë të shtruar 72 pacientë, prej tyre 8 në terapi intensive e 4 prej tyre janë të intubuar dhe në gjendje të rëndë.
Në 24 orët e fundit, janë kryer 420 testime për COVID-19, nga të cilët janë konfirmuar 83 raste.