Arkiv = Foto: KALLXO.com
4 të lënduar nga rrokullisja e veturës në rrugën Prishtinë- Mitrovicë
14.4.2020 - 18:58
Një aksident trafiku me të lënduar ka ndodhur rreth orës 17:00 në rrugën nacionale Mitrovicë –Prishtinë, segmenti rrugor në fshatin Kqiq.
Lajmin për KALLXO.com e ka konfirmuar zëdhënësi i Policisë Rajonale të Mitrovicës, Avni Zahiti.
Zëdhënësi ka thënë se në këtë aksident lëndime kanë pësuar 4 persona.
“Drejtuesi i një veture civile nga pakujdesia ka humbur kontrollin mbi automjetin dhe është rrokullisur jashtë rrugës. Si pasojë e lëndimeve tretman mjekësor ka kërkuar drejtuesi dhe tre pasagjerët”, ka thënë zëdhënësi i Policisë.