313 pacientë me COVID-19 janë duke u trajtuar në spitalet e Kosovës
313 pacientë me COVID-19 janë duke u trajtuar në Shërbimin Spitalor Universitar të Kosovës.
Nga këto raste, 8 raste janë në respiratorë ndërsa 287 po trajtohen me oksigjeno-terapi.
24 pacientë me COVID-19 po trajtohen me metodën CPAP.
Numrin më të madh të pacientëve të hospitalizuar aktualisht e ka Klinika Infektive, në të cilën janë të shtrirë 54 pacientë.
Në Klinikën e Pulmologjisë po trajtohen 38 pacientë të infektuar ndërsa 14 pacientë në Klinikën e Mjekësisë Sportive.
Vetëm dy pacientë me COVID-19po trajtohen në Klinikën e Pediatrisë.
Nga personat e hospitalizuar 27 janë shëruar, kurse aktualisht janë të shtrirë edhe 18 persona të cilët nuk e dinë nëse janë të infektuar.
Në Spitalet Rajonale, më së shumti pacientë me COVID-19 po trajtohen në Spitalin e Prizrenit, gjithsej 61 pacientë.
Në Spitalin e Gjakovës po trajtohen 23 pacientë, e në Spitalin e Pejës po trajtohen 34 pacientë.
19 pacientë të infektuar po trajtohen në Spitalin e Ferizajit, kurse 44 në atë të Gjilanit.
24 pacientë me COVID-19 po trajtohen në Spitalin e Vushtrrisë, i cili është i dedikuar vetëm për personat e infektuar me COVID.