Mbi 3 milionë persona të papunë vetëm gjatë javës së kaluar në SHBA

Dëshmia e fundit e shkatërrimit ekonomik nga pandemia e coronavirusit erdhi të enjten ndërsa qeveria e ShBA-së njoftoi se për vetëm një javë kërkesat për përfitimet nga skema e të papunëvë  u ngritë për 3.2 milionë.

Më shumë se 33 milionë punëtorë kanë bërë kërkesë për përfitime të “papunësisë” në Shtetet e Bashkuara gjatë 7 javëve të fundit.

Tensionet javore kanë rënë që nga arritja e një kulmi prej 6.9 milionë pretendimesh në fund të marsit, por numrat janë akoma tronditës: mbi 33 milionë njerëz i  janë bashkuar listatve të papunësisë në shtatë javë. Në shumë shtete, më shumë se një e katërta e forcës së punës është e papunë.

Ekonomistët presin që raporti mujor i vendeve të punës nga Departamenti i Punës, të premten, të tregojë se niveli i papunësisë në prill ishte 15 përqind ose më i lartë – një nivel i epokës së Depresionit. Shifra pothuajse me siguri do të nënkuptojë dëmin.

Punëtorët në restorante, hoteleri  dhe industri me pakicë ishin ndër të parët që humbën punët e tyre me shpërthimin e  COVID-19 e cila detyroi mbylljen e tyre. Por javët e fundit, u njoftuan për pushime nga puna edhe për inxhinierët në Uber, drejtuesit e llogarive reklamuese në Omnicom, projektuesit në Airbnb dhe punonjësit e tjerë të zyrës.