27 pacientë me COVID-19 në gjendje të rëndë në Spitalin e Pejës
21.8.2021 - 12:02
114 pacientë janë të shtrirë në Spitalin e Përgjithshëm në Pejë me COVID-19, prej tyre 27 janë në gjendje më të rëndë.
Sipas raportit 24 orësh të Spitalit të Pejës, 103 pacientë janë në Oksigjenoterapi dhe 4 pacientë janë në CPAP.
Në anën tjetër, 6 pacientë te shëruar nga COVID-19.
Në javën e fundit Kosova po shënon rekorde të reja me raste pozitiv me COVID-19.
Gjatë 24 orëshit të fundit kanë vdekur katër persona me COVID-19 ndërsa janë regjistruar edhe 2 mijë e 250 raste të reja me COVID-19.
Në total numri i rasteve aktive është 16.341.