Foto: EPA-EFE/FEHIM DEMIR
26 raste me COVID-19 në Pejë, shumica u infektuan në një ceremoni mortore
Instituti Kombëtar i Shëndetësisë Publike (IKSHPK) ka njoftuar se nga 255 mostra të testuara sot, 39 prej tyre kanë dalë pozitiv me COVID-19.
Sipas njoftimit, prej 39 rasteve, 26 prej tyre janë në komunën e Pejës, duke e rritur numrin e të infektuarve në këtë komunë në 47.
Sipas IKShPK-së, numri i rasteve të reja sot në Pejë janë si pasojë e pjesëmarrjes në një ceremoni varrimi më 6 prill.
“Numri i madh i rasteve të konfirmuara sot në Pejë janë si pasojë e pjesëmarrjes në një ceremonial mortor më 6 prill 2020, përkundër masave të ndalimit të grumbullimit në masë të qytetarëve. Si pasojë e këtij veprimi deri më tani janë diagnostikuar 36 raste pozitive me COVID-19”, thuhet në njoftimin e IKSHPK-së.
Deri më tani në Kosovë janë me virusin COVID-19 janë të infektuar 669 persona, 159 janë shëruar dhe 18 kanë vdekur.
