23 raste të reja të coronavirusit, 14 të shëruar
Instituti Kombëtar i Shëndetësisë Publike të Kosovës njofton se gjatë analizave të bëra sot janë shënuar edhe 23 raste pozitive me coronavirus, duke e dërguar kështu në total 250 numrin e të prekurve në Kosovë.
Po ashtu në njoftim bëhet e ditur se janë shëruar 14 persona, ndërsa në total deri më tani janë shëruar 52 persona.
Sot më 10 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 189 mostra të marra nga rastet e hospitalizuara në Klinikën Infektive, gjurmimi i kontakteve të rasteve në terren si dhe nga karantina në Qendrën studentore. Nga mostrat e marra për testim në virusin SARS-CoV-2, gjithsej njëzet e tre (23) prej tyre kanë rezultuar pozitive.
Rastet pozitive janë raste kontakti, tetëmbëdhjetë (18) raste nga komuna Ferizaj (8 Sazli, 3 qytet Ferizaj, 2 Mirash, 1 Varosh, 1 Greme, 1 Talinovc i Muhaxherëve, 1 Neredime dhe 1 Lloshkobare), 2 raste Viti, 1 rast Hani i Elezit, 1 rast Prizren dhe 1 rast Prishtinë.