Covid-19 Ilustrim - Naser Fejza
2 të vdekur dhe 32 raste të reja me COVID-19 në Kosovë
Gjatë 24 orëve të fundit në Kosovë janë shënuar 2 vdekje nga COVID-19 dhe 32 raste të reja të të infektuarve.
Sipas Institutit Kombëtar të Shëndetësisë Publike (IKShPK), në 24 orët e fundit janë shëruar edhe 69 qytetarë nga COVID-19, kurse numri i rasteve aktive në vendin tonë aktualisht është 709.
Njoftimi i plotë i IKShPK-së:
“Në 24 orët e fundit janë dhënë 148 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.817.696 doza të vaksinës.
Deri më sot 818.331 qytetarë janë vaksinuar me dozën e dytë.
Deri më sot janë dhënë 98.630 doza përforcuese dhe doza të treta të vaksinës kundër COVID-19.
Nga 1.217 testime, 32 qytetarë kanë rezultuar pozitiv me virusin COVID-19.
Gjatë 24 orëve të fundit, janë shënuar 2 raste të vdekjes.
Sot janë shëruar 69 qytetarë, derisa numri i përgjithshëm i të shëruarve është 223.042.
Në total numri i rasteve aktive është 709”.