Ilustrim
17 pacientë nga Shqipëria marrin shërbime të dializës falas në Kosovë
25.2.2023 - 19:27
17 pacientë nga Shqipëria po marrin shërbime të rregullta të dializës në kuadër të Spitalit të Përgjithshëm të Prizrenit, shërbim ky që po ofrohet falas, sikurse për qytetarët e tjerë të Kosovës.
Krahas tyre, janë edhe 195 pacientë të tjerë nga komuna të ndryshme të regjionit të Prizrenit, duke e kaluar në 212 numrin e përgjithshëm të pacientëve që dializohen në këtë spital.
Sipas njoftimit të Shërbimit Spitalor Klinik Universitar të Kosovës, brenda vitit, në Repartin e Dializës ofrohen 30 mijë seanca dialize, përfshirë edhe shtetas të vendeve të tjera, që përkohësisht janë në Prizren.
“Stafi që ofron shërbimet e Dializës është i trajnuar, përfshirë mjekë internistë – nefrologë, por edhe infermierët dhe stafi tjetër mbështetës që me përkushtim shërbejnë për pacienët” – thuhet në njoftim.
Numri i pacientëve sipas vendbanimeve:
- Komuna e Prizrenit – 98 pacientë
- Komuna e Suharekës – 28 pacientë
- Komuna e Rahovecit – 27 pacientë
- Komuna e Malishevës – 23 pacientë
- Komuna e Dragashit – 16 pacientë,
- Komuna e Mamushës – 1 pacient
- Republika e Shqipërisë – 17 pacientë