150 të dënuar në burgun e Peqinit hyjnë në grevë urie, refuzojnë ushqimin pasi nuk u lejohen takimet e zgjeruara

Burime për “Top Channel” bëjnë me dije se ata kanë refuzuar ushqimin, pasi nuk u lejohen takimet e zgjeruara. Si pasojë e situatës së covid-19 ata mund të takohen vetëm me familjarët e afërt dhe asnjë person tjetër.

Kjo nuk është hera e parë që në burgun e sigurisë së lartë në Peqin, zhvillohet një grevë urie nga të dënuarit si pasojë e kufizimeve nga koronavirusi. Më herët të dënuarit kanë protestuar edhe për aplikimin e regjimit “41-biss”.

Kujtojmë se në burgun e sigurisë së lartë në Peqin janë persona me rrezikshmëri të lartë për vepra të rënda penale. Top-Channel