120 euro pako mbështetje për fëmijët e porsalindur në Vushtrri

Kryetari i Komunës së Vushtrrisë, Xhafer Tahiri ka dhënë një propozim për mbështetje të fëmijëve të posalindur në Vushtrri.

Tahiri përmes një postimi në facebook ka bërë të ditur se i ka propozuar Kuvendit Komunal në Vushtrri që të miratoj propozim politikën e re nga qeverisja komunale.

“I kam propozuar Kuvendit të Komunës që të miratoj propozim politikën e re nga qeverisja komunale përmes së cilës do të mbështetet secili çift vushtrrias me fëmijë të porsalindur e ku synohet të blihet një shtrat ose një pako me mjete të nevojshme për të porsalindurit”, thuhet në postimin e Tahirit.

Ai tutje ka shkruar se në bazë të vlerësimeve, janë afër 600 lindje në vit në qytetin e Vushtrrisë, prandaj sipas Tahiri kjo masë pritet t’i kushtojë buxhetit komunal rreth 72 mijë euro.

“Qëllimi i kësaj mase është që çdo fëmijë i lindur në Vushtrri, pavarësisht kushteve ekonomike të prindërve, të filloj jetën në shtrat të njejtë”, ka shkruar Tahiri.

Do NOT follow this link or you will be banned from the site!