Trump thotë troç: SHBA nuk do të paguajë për sigurinë e Harry dhe Meghan
Presidenti i SHBA-së, Donald Trump deklaroi sot se SHBA nuk do të paguajë për sigurinë e Princit britanik Harry dhe gruas së tij, Meghan Markle. Ai tha se pavarësisht miqësisë me Mbretëreshën Elizabet, çifti duhet të paguajnë vet.
“Unë jam një mik dhe admirues i shkëlqyeshëm i Mbretëreshës dhe Mbretërisë së Bashkuar. Është raportuar se Harry dhe Meghan, të cilët dolën nga Mbretëria, do të banonin përgjithmonë në Kanada. Tani ata janë larguar nga Kanada në SHBA. Megjithatë, SHBA nuk do të paguajë për mbrojtjen e tyre të sigurisë. Ata duhet të paguajnë vetë”, shkruan Trump në Twitter.
I am a great friend and admirer of the Queen & the United Kingdom. It was reported that Harry and Meghan, who left the Kingdom, would reside permanently in Canada. Now they have left Canada for the U.S. however, the U.S. will not pay for their security protection. They must pay!
— Donald J. Trump (@realDonaldTrump) March 29, 2020
Çifti njoftoi në fillim të këtij viti se ata do të tërhiqeshin nga rolet e familjes së tyre mbretërore dhe fituan mbështetjen e Mbretëreshës Elizabeth II.
Ata kishin thënë se do të ndanin kohën e tyre midis Amerikës së Veriut dhe Britanisë së Madhe.
Raportet qarkulluan javën e kaluar se çifti mbretëror dhe djali i tyre ishin transferuar në Los Angeles.
Familja mbretërore u zhvendos në mes të pandemisë koronavirus, e cila ka tërhequr vëmendjen e botës, pasi qindra mijëra janë infektuar, mijëra kanë vdekur dhe shumë vende ose shtete po ndalojnë njerëzit të largohen nga shtëpitë e tyre, përveç nëse në rrethana të caktuara. /21Media
