Parashikimi i motit - Foto: Rtv21
Ky është moti për javën tjetër në Kosovë
10.6.2018 - 20:05
Vendi ynë do të vazhdojë të mbetet nën ndikimin e masave të ngrohta të ajrit me presion të ulët atmosferik.
Në këtë situatë meteorologjike do të mbajë mot i ndryshueshëm, me diell dhe vranësira të cilat në intervale të caktuara të kohës do të jenë në zhvillim, duke gjeneruar reshje lokale të intensitetit mesatar dhe vende-vende të intensitetit të lartë, ka njoftuar Instituti Hidrometeorologjik i Kosovës.
Temperaturat minimale do të lëvizin ndërmjet 12-14 gradë Celsius, ndërsa maksimalet e ditës parashihen të lëvizin ndërmjet 27-31 gradë Celsius.
Indeksi UV do të jetë në vlera të larta kryesisht në ditët kur qielli është i hapur.
Do të fryjë erë nga jugperëndimi dhe veriperëndimi me shpejtësi deri 11m/s. /21Media