Kurti dhe Konjufca Takojnë Zyrtarët e BE-së për Kontratën me 'Contour Global'

Kryetari i Lëvizjes Vetëvendosje, Albin Kurti së bashku me shefin e grupit parlamentar të kësaj partie, Glauk Konjufcën janë takuar me zyrtarët e Bashkimit Europian në Kosovë.

Të mërkurën Albin Kurti dhe Glauk Konjufca janë parë duke hyrë në zyrën e BE-së në Kosovë ku janë takuar me zyrtarë të këtij institucioni.

Këtë e ka konfirmuar edhe zëdhënësja e Lëvizjes Vetëvendosjes, Tinka Kurti.

Sipas saj, temë diskutimi ka qenë kontrata e Qeverisë me kompaninë Contour Global për ndërtimin e termocentralit “Kosova e Re”

“Takimi është mbajtur me zyrtarë të BE-së për çështje ekonomike dhe te energjisë dhe ka pasur për fokus temën e kontratës së Qeveri me kompaninë Contour Global”, ka thënë Tinka Kurti për KALLXO.com.

Albin Kurti edhe në njërën nga seancat e Kuvendit të Kosovës ka folur për kontratën 2 miliardshe të Qeverisë me kompaninë Contour Global.

Marrëveshja financiare për Termocentralin e ri duhet të kalojë në Kuvend si marrëveshje ndërkombëtare. Për miratimin e marrëveshjeve ndërkombëtare duhen 2/3 e votave të deputetëve.

KALLXO.com ka shkruar që Kompania “Contour Global” do të shpenzojë vetëm 10 euro për blerjen e tokës së nevojshme për ndërtimin e termocentralit “Kosova e Re”.

http://kallxo.com/contour-global-e-blen-token-per-termocentral-per-10-euro/

Pas nënshkrimit të kësaj kontrate ka pasur diskutime të thella në opinion, që e kanë parë si humbje të madhe të Kosovës.

Kapitullimi Ekonomik i Kosovës me TC ‘Kosova e Re’