Thatësira e madhe në Spanjë e zbulon një monument të ngjashëm me atë të 'Stonehenge' në Angli
Thatësira e madhe e kësaj vere ka shkaktuar kërdi për shumë njerëz në Spanjën rurale. Megjithatë, një efekt anësor i papritur i thatësirës më të keqe të vendit në dekada ka dalë të jetë tejet e mirë se ardhur për arkeologët – shfaqja e një rrethi guri prehistorik në një digë, linja ujore e së cilës është tërhequr.
I njohur zyrtarisht si Dolmen i Guadalperal, por i quajtur ‘Stonehenge Spanjoll’, rrethi i dhjetëra gurëve megalitik besohet se daton 5000 para Krishtit.
Ku ndodhet ‘Spanish Stonehenge’?
Vendndodhja është ekspozuar në një cep të rezervuarit të Valdecanas, në provincën qendrore të Caceres, ku ata thonë se niveli i ujit ka rënë në 28 përqind të kapacitetit.
“Është një surprizë, është një mundësi e paqartë për të qenë në gjendje të kesh qasje në të,” thotë arkeologu Enrique Cedillo nga Universiteti Complutense i Madridit, një nga ekspertët në garë për t’i studiuar këta gurëpërpara se ata të zhyten përsëri në ujë.
Kjo hapësirë u zbulua nga arkeologu gjerman Hugo Obermaier në vitin 1926, por kjo zonë pastaj u përmbyt në vitin 1963 në një projekt zhvillimi rural nën diktaturën e Francisco Frankos.
Që atëherë kjo hapësirë është bërë plotësisht e dukshme vetëm katër herë.
Cila është historia e “Spanish Stonehenge”?
Dolmenët janë gurë të rregulluar vertikalisht që zakonisht mbështesin një gur të sheshtë. Edhe pse ka shumë të shpërndara nëpër Evropën Perëndimore, pak dihet se kush i ka ngritur ato.
Mbetjet njerëzore të gjetura në ose afër shumë prej tyre kanë çuar në një teori të cituar shpesh se ato janë varre.
Shoqatat lokale historike dhe turistike e kanë mbrojtur lëvizjen e gurëve të Guadalperal në një muze ose diku tjetër në tokë të thatë.
Shfaqja e gurëve është e mirë për turizmin, por e keqe për bujqësinë.
Prania e tyre është gjithashtu një lajm i mirë për Ruben Argentas, i cili zotëron një biznes të vogël turne me varkë. “Dalmeni shfaqet dhe turizmi i dolmenit fillon,” thotë ai pas një dite të zënë të kaluar duke i dërguar turistët në një xhiro udhëtimi.
Ndryshimet klimatike e kanë lënë gadishullin Iberik në gjendjen më të thatë në 1200 vitet e fundit dhe shirat e dimrit pritet të pakësohen më tej, tregon një studim i publikuar nga revista Nature Geoscience./Euronews
Përgatiti: Nuhi Shala
