Teatri Kombetar. FOTO- Denis Sllovinja
Teatri Kombëtar anulon shfaqjen e premierës ‘Lahuta e Malcis’
06.11.2020 - 17:19
Teatri Kombëtar i Kosovës ka anuluar shfaqjen e premierës “Lahuta e Malcis” paraparë të shfaqet për sot në ora 20:00.
Anulimi i premierës së sotme është bërë pas vendimit të ri të Qeverisë për masa të reja anti COVID-19.
Naser Shatrolli ushtrues i detyrës së drejtorit të TKK së ka konfirmuar anulimin e premierës së planifikuar për sot.
“Deri të hënë janë anulu të gjitha aktivitete në TKK, edhe premiera, por edhe repriza e shfaqjes planifikuar pë nesër dhe të dielen”, ka thënë Shatrolli, për Kallxo.com.
Për shkak të rritjes së numrit të të infektuarve më COVID-19, Qeveria e Kosovës ka vendor masat të reja për parandalimin e përhapjes së pandemisë.