Teatri "Avdush Hasani" në Podujevë
Teatri i Podujevës bëhet me aktorë rezidentë
Teatri i Qytetit të Podujevës, “Avdush Hasani” është bërë me ansambël rezidentë të aktorëve.
Komisioni vlerësues i formuar për përzgjedhjen e aktorëve të këtij teatri, pas hapjes së konkursit për aktorë nga Komuna e Podujevës, ka vendosur që në këtë fazë të pranohen 6 aktorë.
Aktorët e pranuar janë: Sindi Çitaku, Ryva Kajtazi, Muhamet Zeka, Besart Zeneli, Valire Haxhijaj-Zeneli dhe Gani Morina.
Agron Gërguri, drejtor i Teatrit “Avdush Hasani” përmes një postimi në Facebook ka shkruar se audicioni për pranimin e aktorëve rezident të këtij teatri është mbajtur me sukses më 15 korrik 2020.
“Për aktorë rezident në këtë fazë pranohen: Sindi Çitaku, Ryva Kajtazi, Muhamet Zeka, Besart Zeneli, Valire Haxhijaj-Zeneli dhe Gani Morina. Për kandidatin e 6 – të kontrata do jetë 6 mujore. Rekomandim i jurisë është që duhet verifikim në realizimin e projektit promovues te Ansamblit”, ka shkruar drejtori Gërguri.
Sipas tij, teatri së shpejti do të kompletohet edhe stafin teknik dhe adminstrativ që të funksionojnë sa më suksesshëm.