Teatri i Gjilanit hap konkurs për logon e re
14.10.2019 - 15:51
Teatri i Qytetit të Gjilanit ka hapur sot konkurs për zgjedhjen e logos së re të këtij teatri.
Menaxhmenti i Teatrit të Gjilanit përmes një njoftimi në Facebook u bën thirrje të gjithë të interesuarve që me idetë e tyre kreative të konkurrojnë për dizajnimin e logos së re të Teatrit të Qytetit të Gjilanit.
“Teatri i Qytetit të Gjilanit është në kërkim të imazhit të ri dhe fton të gjithë individët e interesuar për të paraqitur idetë e tyre kreative për logon e tij”, thuhet në njoftim.
Konkursi, sipas njoftimit të Teatrit të Gjilanit mbetet i hapur deri më 28.10.2019.
Teatri i Gjilan është një prej 7 teatrove profesioniste të qyteteve të mëdha të Kosovës. Më poshtë shihni logon aktuale të këtij teatri.