Teatri ‘Dodona’ hap thirrje për realizimin e shfaqjeve për repertorin 2022
23.4.2022 - 09:15
Teatri i Qytetit të Prishtinës “Dodona” ka hapur thirrjen publike për prodhimin e shfaqjeve teatrore për fëmijë dhe të rritur për repertorin 2022.
Përmes kësaj thirrje, “Dodona” fton organizata të ndryshme jo qeveritare ose biznese, programi i të cilave është i fokusuar në fushën e kulturës, që të aplikojnë për mbështetje financiare për projekt-propozimet e tyre për prodhimin e shfaqjeve për teatrin për fëmijë dhe skenën e mbrëmjes për repertorin e këtij viti.
Sipas thirrjes propozimet mund të jenë në gjininë e dramës, komedi, solo performance, stand-up komedi, por edhe shfaqja me kukulla për fëmijë.
Afati për dorëzimin e propozimeve është nga 22.04.2022 deri më 20.05.2022.