Sot nis festivali 'FemArt'
25.9.2024 - 11:28
Me shfaqjen e performancës, “Carmen” nga “Barcelona Flamenco Ballet” nga Spanja në ora 20:00 në Klan Arena, nis sot, më 25.09.2024, në Prishtinë edicioni i 12-të i Festivalit Ndërkombëtar të Artisteve dhe Aktivisteve – “FemArt”.
Organizatorët e festivalit kanë thënë për KALLXO.com se edicioni i 12-të i festivalit “FemArt” do të përfshijë një program divers, të pasur me shprehje artistike dhe aktivizëm feminist.
Shfaqje teatrale, performanca artistike, filma e punëtori do të mbahen gjatë këtij edicioni të “FemArt”.
Edicioni i 12-të “FemArt” do të mbahet deri më 30 shtator 2024.
Festivali ‘FemArt” organizohet nga Qendra për Art dhe Komunitet, “Artpolis”.