Sot jepet premiera e shfaqjes 'Babai dhe babai’, kushtuar personave të zhdukur nga lufta

Shfaqja “Babai dhe babai”, me tekst të Jeton Nezirajt dhe regji të Kushtrim Koliqit, realizuar nga Integra, jepet sot premierë në ora 20:00 në Muzeun Etnologjik “Emin Gjiku” në Prishtinë.

Shfaqja “Babai dhe babai” trajton fatin e personave të pagjetur nga lufta e Kosovës.

Kjo shfaqje do të ketë edhe tri repriza, më 17, 18 e 19 maj 2022, nga ora 20:00, po në Muzeun Etnologjik.

Në shfaqje luajnë aktorët: Ilire Vinca, Bujar Ahmeti dhe Kosovare Krasniqi.

Nga lufta e fundit në Kosovë, të zhdukur vazhdojnë të jenë mbi 1,600 persona.