Foto: Urim Krasniqi/Kallxo.com
‘Shota’ mban koncert për Festën e Flamurit
Ansambli Kombëtar i Këngëve dhe Valleve, “Shota” ka mbajtur sot një koncert festiv për shënimin e Festës së Flamurit, 28 Nëntorit, por edhe për shënimin e 70-të vjetorit të themelimit të ansamblit të parë profesionist të këngëve dhe valleve popullore.
Koncerti është mbajtur në Teatrin Kombëtar të Kosovës.
Për shënimin e këtyre përvjetorëve “Shota” kishte përgatitur një program me këngë dhe valle patriotike nga repertori i saj.
Përveç programit festiv, menaxhmenti i “Shotës” në bashkëpunim edhe me Ministrinë e Kulturës kanë nderuar me mirënjohje, doajenët dhe bashkëpunëtorët e “Shotës”, ndër vite.
Mirënjohjet u ndanë nga ministrja e Kulturës, Vlora Dumoshi dhe drejtori i Ansamblit “Shota”, Shefqet Gjocaj.
Me mirënjohje u nderuan Nexhmije Pagarusha, post mortum, Hylkije Sadiku, Fahri Beqiri, Xhemali Berisha, etj.