Romani i Rexhep Qosjes botohet në gjuhën italiane
Romani “Vdekja më vjen prej syve të tillë” i Rexhep Qosjes është botuar në gjuhën italiane nga Shtëpia Botuese “Egnatia”.
Lajmi për botimin e këtij romani në gjuhën italiane, përkthyer nga Anila Alhasa, është dhënë nga vet autori i romanit përmes llogarisë së tij në Facebook.
“Vdekja më vjen prej syve të tillë” (1974) është romani i parë postmodern i letërsisë shqipe dhe ndër veprat më të bukura të letërsisë sonë, ndërsa është botuar në disa gjuhë të huaja.
Për këtë vepër të Qosjes i janë dhënë vlerësime nga shkrimtarë botërorë.
Romani “Vdekja më vjen prej syve të tillë” në mënyrë metaforike trajton pozitën e shqiptarëve në regjimin komunist të ish -Jugosllavisë së pas luftës së Dytë Botëror, presionin dhe masat represive që atë kohë merreshin, sidomos ndaj intelektuale shqiptare.
