????????????????????????????????????
Rihapen për vizitorë Kompleksi i Lidhjes dhe Muzeu Arkeologjik në Prizren
Rihapen për vizitorët Kompleksi i Lidhjes Shqiptare dhe Muzeu Arkeologjik në Prizren, më shumë se dy muaj pas mbylljes për shkak të COVID-19.
Zyrtarë të Qendrës Rajonale të Trashëgimisë Kulturore në Prizren, kanë konfirmuar për Kallxo.com se nga dita e djeshme në bazë të rekomandimeve të institucioneve janë hapur këta dy muze në Prizren.
“Qendra Rajonale për Trashëgimi Kulturore në Prizren në zbatim të udhëzuesit të Ministrisë së Shëndetësisë për lehtësimin e masave nga data 18.05.2020 ka hapur për vizitorë Kompleksin i Lidhjes Shqiptare të Prizrenit si dhe Muzeun Arkeologjik”, ka thënë Samir Hoxha, drejtor i QRTK-së në Prizren.
Sipas Hoxhës, vizitorët do të udhëzohen nga përgjegjësit Kompleksit të Lidhjes Shqiptare të Prizrenit dhe të Muzeut Arkeologjik për numrin e personave që mund të hyjnë në ambientet e brendshme sipas udhëzuesit të MSH-së.
