Problemet globale përmes dramës në Ferizaj

“Derisa vdekja nuk na ndanë” me regji të Fatos Berishës do të shfaqet premierë sot në ora 20:00 në Teatrin “Adriana Abdullahu” në Ferizaj.

Kjo shfaqje në  mënyrë metaforike pasqyron problemet që sot përballen shoqëritë globale dhe fatin e individit.

Drama me tekst të Nina Horvat trajton ballafaqimet e personazheve në purgator.

Katër persona të cilët vdiqën dhunshëm, janë në terapi grupore në purgator. Psikiatri përpiqet t’i ndihmojë ata që të pajtohen me mënyrën e vdekjes së tyre, që të pushojnë në paqe. Pacientët nuk janë të gatshëm të bashkëpunojnë dhe nuk përmirësohen. Pas kësaj, psikiatri vendos që t’i përballë ata me vrasësit e tyre.

Në shfaqje luajnë Shpëtim Selmani, Vjosa Abazi, Nexhat Xhokli, Edona Berisha, Arben Marevci, Blin Sylejmani, Gresa Gashi, Donika Zeqiri, Valdrin Osmani, Dashnim Rexhepi.

Do NOT follow this link or you will be banned from the site!