'Pesë stinët e armikut të popullit' sot në Teatrin ‘Adriana’ në Ferizaj
25.9.2019 - 12:12
Drama e Qendrës Multimedia, “Pesë stinët e armikut të popullit” me tekst të Jeton Nezirajt dhe regji të Blerta Nezirajt shfaqet sot, në ora 20:00 në Teatrin “Ardiana” të Qytetit të Ferizajt.
Shfaqja “Pesë stinët e armikut të popullit” është dhënë dje në mbrëmje premierë në skenën e Teatrit Kombëtar të Kosovës.
Shfaqja përshkruan Prishtinën e pasluftës dhe degradimin e qytetit që nisi me ndërtimet pa leje dhe vrasjen e arkitektit të saj, Rexhep Luci, si rezultat i përpjekjeve të tij për të ndaluar degradimin nga ndërtuesit ilegal.
Në shfaqje luajnë: Armend Smajli, Shpëtim Selmani, Egzona Ademi, Kushtrim Qerimi, Afrim Muçaj, Verona Koxha.