foto: LSHK
Për shkak të COVID- 19 shtyhet mbajtja e festivalit ‘Drini poetik’
03.6.2020 - 17:01
Lidhja e Shkrimtarëve të Kosovës ka shtyrë për kohë të pacaktuar mbajtjen e edicionit të 11-të të Festivalit Ndërkombëtar, “Drini poetik”.
“Për shkak të kushteve dhe të rrethanave të krijuara nga pandemia e virusit covid19, festivali ndërkombëtar i poezisë “Drini poetik”, që është tradicional dhe duhej të mbahej më 9 e 10 qershor, për të njëmbëdhjetën herë me radhë në shenjë të Lidhjes Shqiptare të Prizrenit në Prishtinë–Prizren-Kukës, shtyhet”, thuhet në njoftimin e LSHK-së.
LSHK-ja njofton se edicioni i 11-të i festivalit “Drini poetik” do të mbahet kur të krijohen kushtet.
Edicioni i 11-të i NP “Drini poetik” ishte paraparë të mbahet më 9 e 10 të këtij muaji në Prishtinë-Prizren-Kukës për të njëmbëdhjetën herë me radhë.