foto; Denis Sllovinja
Nisin provat për realizmin e monodramës, ‘Stefani; historia e një koleksionisti të syve’
Regjisori Ben Apolloni ka nisur provat për realizimin e monodramës, “Stefani; historia e një koleksionisti të syve” me tekst të Ag Apollonit.
Kjo shfaqje është përzgjedhur si pjesë e repertorit të skenës së vogël të Teatrit Kombëtar, për 2020.
Monodrama “Stefani; historia e një koleksionisti të syve”, e shkruar nga Ag Apolloni me 2003. Është një rrëfim dramatik për një personazh që ka shkaktuar shumë tragjedi në Bosnjë e Kosovë.
“Veprën unë e kam dërguar në TKK për skenën e vogël dhe mandej edhe kam aplikuar si regjisor me platformë, dhe është përzgjedhur që të jetë pjese e repertorit të TKK për këtë vit. Për shkak të pandemisë është shtyrë disa herë procesi i fillimit të provave, por tani veç kemi filluar dhe po punojmë që ta realizojmë shfaqjen ashtu siç e kam menduar”, ka thënë regjisori Apolloni, për KALLXO.com.
Rolin e Stefanit, në këtë monodramë, do ta interpretojë aktori Agron Shala, ndërsa premiera e shfaqjes pritet të jepet në dhjetor.
“Nëse situata me COVID- 19 nuk na nxjerr ndonjë problem, premierën besoj se do ta kemi në dhjetor”, ka thënë regjisori Ben Apolloni.