Në Ferizaj është hapur edicioni i 6-të i Festivalit Ndërkombëtar të Karikaturës
Të shtunën në mbrëmje në Galerinë e Arteve në Ferizaj është hapur edicioni i 6-të i Festivalit Ndërkombëtar të Karikaturës.
Dhjetëra karikatura për garën e këtij edicioni dhe një sërë veprash tjera të të rinjve, në strip dhe karikaturë, jashtë garës, janë ekspozuar në kuadër të këtij edicioni në Galerinë e Artit në Ferizaj, të cilat për dy javë do të qëndrojnë të hapur për publikun.
COVID-19 detyroi një mënyrë të veçantë të hapjes së edicionit të sivjetmë të Festivalit ndërkombëtar të Karikaturës“.
Imri Musliu, drejtor i Shoqatës së Karikaturistëve të Ferizajt, “HiThi”, e cila e organizon festivalin, ka thënë për KALLXO.com se mbajtja e këtij edicioni nuk ishte aspak e lehtë, për shkak të coronavirusit, por edhe mbështetjes së vogël institucionale.
A ka thënë se përveç ndihmës së nga Komuna e Ferizajt, shoqata “HiThi” nuk ka marrë asnjë ndihme tjetër institucionale për organizimin e festivalit.
“As këtë viti Ministria e Kulturës nuk e ka përkrahë me asnjë cent festivalin. Ne kemi bërë një ankesë për këtë. Të vetëm ndihmë e marrim nga Drejtoria për Kulturë e Ferizajt, edhe pse është e pamjaftueshme, por pa ndihmën e saj nuk do të mund ta mbanim festivalin”, ka thënë Musliu.
Musliu ka treguar se në adresë të Edicionit të 6-të të Festivalit të Karikaturës kanë ardhur 1 650 karikatura nga 360 artistë prej 53 vendeve të ndryshme të botës, 99 prej të cilave u përzgjodhën për këtë edicion.
“Temat e lira dhe nga aktualiteti– COVID-19 kanë karakterizuar punimet e këtij edicioni”, ka potencuar Musliu.
Ndërkaq edhe këtë viti janë shpallur më të mirë e festivalit.
Plaketën “HiTHi i Artë” Diego Feld nga Argjentina; Plaketin “HiTHi i Arxhendtë” e fitoi Aleksei Kivokurtcev nga Rusia, kurse Plaketën “HiTHi i Bronztë” e fitoi Seyran Caferli nga Azarbayjani., i vlerësuar nga juria me 16 pikë.