Mbyllet ‘Talia e flakës 2020’, triumfon shfaqja gjilanase ‘a.y.l.a.n’
Shfaqja “a.y.l.a.n” e Teatrit të Gjilanit ka marrë çmimin si shfaqja më e mirë e festivalit të Dramës origjinale shqipe “Talia e flakës 2020” që u mbyll dje vonë në Gjilan.
Festivali “Talia e flakës” është mbajtur në kuadër të edicionit të 29-të të manifestimit mbarëkombëtare kulturor “Flaka e Janarit 2020” që u mbajt në Gjilan.
Përveç çmimit si shfaqja më e mirë e festivalit, shfaqja gjilanase ‘a.y.a.n” ka marrë edhe çmimin për regjinë më të mirë të festivali, që shkoi për regjisoren e shfaqjes Blerat Neziraj.
Edicioni i sivjetëm i Festivalit “Talia e flakës’ ka nisur më 22 janë të këtij muaji ndërsa u mbyll dje me shfaqjen fituese “a.y.l.a.n” . Gjatë këtij festivali janë shfaqur edhe 4 shfaqje tjera: ‘Bryma e vdekjes”, ‘Shkamat”, “Graviteti” dhe shfaqja “Trenat”.
Lista e plotë e çmimeve të Festivalit “Talia e flakës 2020”:
Çmimi “Shfaqja më e mirë e Festivalit” – shfaqja “a.y.l.a.n” e Teatrit të Gjilanit.
Çmimi “Drama më e mirë origjinale” – Fadil Hysaj për tekstin / dramën “Shkamat”
“Regjia më e mirë e Festivalit” – Blerta Rrustemi – Neziraj për shfaqjen “a.y.l.a.n”.
Çmimi “Aktorja më e mirë e Festivalit” – Sheqerie Buqaj për rolin në shfaqjen “Shkamat”.
Çmimi “Aktori më i mirë i Festivalit” – Xhevdet Doda për rolin në shfaqjen “Shkamat’.
Çmimi Post Mortum iu nda aktorit dhe regjisorit Nuhi Matoshi.
Çmimi për vepër jetësore iu dedikua aktorit Muharrem Sylejmani.