Fahri Beqiri. Foto: Facebook/Valton Beqiri
Ka vdekur kompozitori Fahri Beqiri
18.5.2021 - 10:10
Ka vdekur sot në moshën 85 vjeçare Fahri Beqiri, kompozitor dhe ish-profesori në Universitetin e Prishtinës.
Lajmi për vdekjen e kompozitorit Beqiri është bërë i ditur nga familjar të tij në rrjetin social në Facebook.
“Njoftojmë miqtë dhe familjarët se sot pushoi së rrahuri zemra e më të dashurit tonë, Fahri Haxhibeqiri (Beqiri). Homazhet do të mbahen nga ora 14:00 deri 15:00 në Teatrin Kombëtar të Kosovës”, ka shkruar në Facebook djali i kompozitorit, Valton Beqiri.
Varrimi i të ndjerit bëhet sot në ora 17:00 në varrezat e qytetit të Prishtinës.